1stund from ohrgasmus by M.Soundnomad von 3rad

///07 1stund//

1 stund - meh hani mer nöd zit gnoh
seis drum - doch i will gar nöd so wit goh
feig-tumm - schublade zu schiit z schloh
ei chum - han de chaschte e scho ignoh

soundnomad:
zrugg zum innere chreis
weg vom schlimmere scheiss
s gilt hald immer no eis
es alibi bruchsch e keis
wenn de rap umbringsch
nöd nett umspringsch
im duett drum ringsch
allne z zeige wie fett du klingsch
und wie guet du flueche chasch
s isch hald scho e huere lascht
am mike so chläbrigi hend z ha
und s ganze läbä komplett verpennt z ha
während diner viertelstund
säge'n i nüt - schohne ohre und
auge - loh mi nöd uslauge
und dich king din doppel whopper verdaue
rappe lieber gsund
verzicht uf din schund
und gib mir kein grund
zur iversucht
uf de filmrife flucht noch vorne
akzeptier a de rose dorne
du seisch wer de boss isch
i denke eher a rossmischt
du lohsch es gern usarte
und bediensch nur ei sparte
i spiel gern mit allne charte
und lach über di harte

1 stund - meh hani mer nöd zit gnoh
seis drum - doch i will gar nöd so wit goh
feig-tumm - schublade zu schiit z schloh
ei chum - han de chaschte e scho ignoh

rap über de 24h-takt - fühle mi nackt
ohni raim und gain wenn i si ghör
dini simple brichtli - dini harte gschichtli
i verdicht mi - well dicht i ficht i schlicht wi -
gägä dämone - schiel uf kai chrone
will nu betone - viel tönt wie bohne
bi de verdauig - bitte di schaurig
wach endli uf und spar der de schnuuf
verschon mi mit din paperlapap-rap
rollt nie wie s rad und isch nume schlapp
wie brune salot
i stuhne pro wort und minute
will di gern go mute
oder usfade
de stuss schafft doch jede
aff usezloh i raff numeno
s macht der spass umezschloh
und debi bös dri z luege
aber weisch chöntsch langsam mol rue geh
schwanzlängeverglich isch nöd mis ziel
s isch scho eher d freud am glungne wortspiel
und am recorde - verarbeit wünsch & sorge
bin am rape und nöd am morde
mach mir min usgang
welli kei luscht han
uf de beschti mix und euri schäbige hits

1 stund - meh hani mer nöd zit gnoh
seis drum - doch i will ger nöd so wit goh
feig-tumm - schublade zu schiit z schloh
ei chum - han de chaschte e scho ignoh
...scho längstens ignoh

• Electronic
• downtempo
• electro
• instrumental
• rap
• salüü heat
• soundnomad
• synthesizers
• wieziker-style
• Winterthur