ohnmacht from ohrgasmus by M.Soundnomad von 3rad

///13 ohnmacht//

soundnomad:
nebelumwabret gsi isch mini ganzi sichtwis
mis herz umschlosse vonre digge schicht iis
uf jagdt noch em nöchste tripp
gsuecht noch dem wo am nöggste liggt
hanen mer selber treit de fallstrigg
doch i weiss s isch kein falschtritt gsi
s rechnet sich hald mit i
in ufwand und ertrag summiert sich zu erfahrigspünkt
doch s het mi so larifarig dünkt
well i han e kein fortschritt gseh...
ha weder s chaos no d ornig gseh
introspektion als blindflug
lug und trug
i de allereigetste 4 wänd
gfange im bange
und so bini us angst vor de flamme
nüme recht us mir use gange
verschachtlet am taschte noch em wäg zum liecht
scho recht i säges drum liecht übertribe
doch i bin igfrohre wie uf en polare meer umher tribe
und meisch ehr sehr verschwige blibe
emotional und somit radikal dänäbe glandet
d'egopolizei het leider vergäbe gfahndet
und de täter so nie recht verwütscht
und de prozess somit hald irgendwie e farce
bin mir mengisch fremder gsi als de mars
und doch nöcher als die eigeti stimm
nöcher als di eiget stimm

vergäbe und vergesse
vergäbe und vergesse
vergäbe und vergesse

im chreig mit mir selber
was stell i do a
im chreig mit mir selber
wer will mi do schloh
im chreig mit mir selber
i schrei chli in ruum
im chreig mit mir selber
scho bald isch high noon
scho bald isch high noon

• Electronic
• downtempo
• electro
• gitarren
• instrumental
• milight
• nordsite
• rap
• synthesizers
• Winterthur