señaldá from Express by Blima

Llegues,
Traes la calma, traes la llibertá
Finxes qu´aportasti de verdá
Pero tas lloñe, tas sin tar.

Fixes la mirada, adulces, nun la dexes esnalar
Qu´equí espera un besu míu, llistu pa españar
Ven conmigo a onde me lleves, dame vida, ensin esperes
Fai qu´algame´l sitiu onde quies tar.
Qu´equí espera llistu pa españar.

Míresme,
Faes qu´allume entera la ciudá
Qu´abocane esta escuridá
Pero yes otru, ¿ónde tas?

Cuéntote les mios velees, onde busco mil maneres
D´alcontrar dalgún remediu, pa que dexes de mancar
Quiero curiate, daveres, que te rías, que m’enseñes
A ver los tos güeyos, ensin clisar.
Algo pa que dexes de mancar.


(estribillu)
Señaldá,
De les hores que tu nun me das
De pallabres que faen olvidar
Les esquirles d´otros tiempos
Y qué más da,
Si nun veo más que señaldá
Nel mio aire güel a soledá
Y séquense los besos.

Marches,
Torna la tormenta, ya nun tas,
Déxesme ensin fuelgu una vez más
Llárimes de sal… señaldá.

(estribillu)
Señaldá,
De les hores que tu nun me das
De pallabres que faen olvidar
Les esquirles d´otros tiempos
Y qué mas dá,
Si me quede ganes de lluchar
Polos dies que ya nun vendrán

Trayendo mil rebelgos.

• Folk
• acoustic
• celtic
• experimental
• jazz
• world
• Spain