Zombies by Guy Roch MC

Ah Union Street, the heart of Aiberdeen
Back in ih day, it wiz ih place tae be
At's sae lang ago now, it seems like a dream
Cos nooadays, it's a different scene

Watch yersel oot in Aiberdeen
If yer hittin ih toon iss Halloween
Ye best keep yer eyes on ih back o yer heid
Cos it's like an episode o the wakkin deid

Spooky bams aa pingin aboot
Teenage gangs in Adidas tracksuits
Creepin up an doon wi bad intinshins
Smacked oot thir heid in another dimenshin

Hingin like a smell in ih streets n alleys
Wi thir coupons aa draan n peely wally
Ah'm thinkin aw min, dinna spik tae mi please
Teeth black n yella like piana keys

Anti social behaviour, it's jist a disease
N it's bringin Aiberdeen richt doon tae it's knees
We could use a bit o help fae the boabies please
Bring a bit o respect back tae Union Street

Watch oot fir ih zombies
In ih toon
Thir creepin aboot awuy n it's gettin mi doon
Jist ih ither day min ah saw iss loon
N he wiz lookin like ih creature fae the black lagoon

Watch oot fir ih zombies
Hauntin oor streets
So foos aboot gettin some police on ih beat
Ers al mannies n wifies scared tae shop in Markies
Cos they dinna feel safe fae the junkies n alkies

Ah mean jings check ih state o St Nicholas square
Ers dealers in hoodies sellin drugs on ih stairs
Teenage lassies runnin for thir lives
Cos some o these eejits r cairyin knives

Noo daa get mi rang ah daa mean tae be mean
But ye canna even get tae a bunk machine
Athoot steppin ower junkies oota thir tree
It's jist nae fine itaa, ah think ye'll agree

Watch oot fir ih zombies
Michty me, thir attackin ih public on Union street
N fit n ih hell must ih tourists think
That we aa love smack n stink o drink

Watch oot fir ih zombies
Enough's enough
Ih boabies r sleepin n they need tae wak up
A'body in ih toon'd be a bit less nervous
If yooz'd get oot n dae yer public service

• Dance
• Electronic
• Hip Hop
• Hip-Hop/Rap
• House
• doric
• funk
• funky
• United Kingdom